Uthole amadlelo aluhlaza osanda kuxoshwa kwiChiefs
USEKHONJWA kwiSekhukhune United osanda kuxoshwa kwiKaizer Chiefs kwisizini esanda kusongwa.
UCedric Kaze, owanikwa izintambo zokuqeqesha ngokubambisana noKhalil Ben ngemuva kokuxoshwa kungazelele muntu uNasreddine Nabi maphakathi nesizini edlule, kubhekwe azothatha indawo ka-Eric Tinkler ochithwe sekuyophela isizini esiphuma kuyo.
UKaze ongowokudabuka eBurundi uqale ukugqama elolonga iYoung Africans yaseTanzania.
Lukhulu olulindelwe kuye njengoba eshiye kwiChiefs eyibeke endaweni yokudlala iConfederations Cup ne-MTN 8 ngesizini ezayo.
Kuthiwa iSekhukhune, ephethwe omacaphuna kusale baseLimpopo, ibifuna uthuli umqeqeshi waMaZulu FC u-Arthur Zwane oshaye into ecokeme njengoba eqedise leli qembu laseThekwini endaweni yesine kwi-log yeBetway Premiership.
