Uyangcwatshwa ‘obulawe’ abangani bakhe
UYANGCWATSHWA namuhla uZothani Zungu (20) okusolwa abangani bakhe ngokuthinteka ekulahlekeni nasekufeni kwakhe.
UZungu (osesithombeni) kwabikwa ukuthi walahleka ngoMay 20 njengoba eze watholakala kuleli sonto ngemuva kokuthi ehambe nomngani wakhe ngezithuba zawo- 6 ntambama.
Ukutholakala kwakhe eseshonile engcwatshwe ethuneni elifushane nelikhonjwe yibo abasolwa ukuthi bamgqiba kulona ngemuva kokumbulala.
Lesi sehlakalo sethuse abaningi eMlaba Village ngaseHammarsdale nokuyilapho umufi ekhulele khona.
Ngokohlelo lomngcwabo, inkonzo yommngcwabo izophumela ekhaya eMlaba Village afihlwe emathuneni aseMophela.
Amaphoyisa asebophe abasolwa ababili onemimyaka engu-19 nonewu-20 ngalesi sehlakalo.