INkosi iphawula ngodaba lwabokufika
INKOSI uMelusi Zondi isiphumele obala ngokweseka umkhankaso ofuqa eyokuxoshwa kwabokufika abangenazo izincwadi eNingizimu Afrika.
Ikhuluma okokuqala iNkosi uZondi ithe : “NjengoShansela, ngikhonza isizwe samaZulu. Ukuseka lo mkhankaso akusho ukuthi ngiyavumela ubudlova obubhekiswe kwabokufika.”
INkosi uZondi iqhube yathi : “INingizimu Afrika inemithetho okufanele ilandelwe nemigomo yomthetho yokufudukisa abangekho kuleli ngokusemthethweni.”
UZondi, ongumengameli weBlack Business Forum, uphinde waveza ukukhathazeka mayelana nokucindezelwa kwabakuleli kwezomnotho.
Uthe kunezimo ezilokhu zigqama ezikhombisa ukuthi abokufina banokulawula imikhakha yezohwebo ngenkathi abantu abaningi baseNingizimu Afrika bezabalaze njalo ngenxa yengcindezelo.
Njengomuntu oseke wahambela amazwe amaningi akulelizwekazi lase-Afrika, uthe kuyinto evamile ukuqiniswa kwemithetho ethita izifiki nokufudukiswa kwabo emhlabeni jikelele.
