Isilo siqoke umkhulumeli omusha sha

ISILO samaZulu uMisuzulu KaZwelithini sesiqoke ozosikhulumela nendlunkulu yonke.

Igama elimenyezwe yiNdlulamithi kube ngelikaMntwana uMpiyakhe Buthelezi.

UMntwana uMpiyakhe ungena esikhunndleni esivele iSilo sixosha  uMntwana uThulani Zulu ngasekupheleni kwesonto eledlule.

Udaba lokuxoshwa kukaMntwana uThulani lwashaqisa abaningi nokuyinto eyenzeke ngemuva kokungaboni ngasolinye phakathi kwakhe noSquire Ndamase owayehlele umhlangano phakathi kweSilo oMengameli wezwe uCyril Ramaphosa.

UMtwana uMpiyakhe waba sematheni kakhulu ngesikhathi eyibamba bukhosi besizwe sakwaButhelezi eMahlabathini ngemuva kokukhothama  kukaMntwana uMangosuthu Buthelezi