Isilo sithumele ithimba ukuyoshweleza eBuhleni
ISILO samaZulu sesithumele ithimba ukuthi liyoshweleza kumholi webandla lamaNazaretha ngenxa yevidiyo esabalele enenkulumo enehlabathi eqoniswe kulomholi.
Kule vidiyo esematheni kuzwakala isilo uMisuzulu kaZwelithini ethi sikhuluma siphethe ibhodlela eliluhlaza okukholakala ukuthi ngelotshwala.
Ngesikhathi sikhuluma sizwakala sithi umholi wamaNazaretha uMduduzi ‘Nyazilwezulu’ Shembe uyahlanya.
Lenkulumo ayehlanga kahle kwabaningi njengoba ihhovisi leSilo selikhiphe isitatimende esiveza ukuthi sekuthunyelwe ithimba ukuyoshweleza eBuhleni.
Siphinde sayalela abantu ukuba bayeke ukusabalalisa le vidiyo yodumo.