Libhekwe ngabomvu ivoti le-UEFA lokuchitha i-Israel ebholeni

I-Israel ingase ibe sengcupheni yokumiswa kuyo yonke imiqhudelwano yebhola lase-Europe.

Lokhu kungenxa yokuthi i-UEFA namuhla izovota kulandela ingcindezi ebhekene nenhlangano yezemidlalo phakathi nesibhicongo eGaza.

I-Channel 12 yakwa-Israel ibike ukuthi ikomidi eliphezulu le-UEFA kulindeleke ukuthi lihlangane, kanti iqembu lesizwe lakwa-Israel lingase lisuswe emidlalweni yokuhlungela i-European, namakilabhu afana neMaccabi Tel Aviv avinjelwe ku-Europa League.

Lokhu kwenzeke phakathi kwemibiko yomkhankaso wokucindezela i-UEFA ukuthi ibambe ivoti, okubikwa ukuthi iholwa yiQatar, omunye wabasekeli bezimali ababalulekile be-UEFA.

Imibiko ithi iningi lamalungu ebhodi le-UEFA liyakweseka ukususwa kwe-Israel, yidlanzana lamazwe aphikisana nalokhu.

Ngaso leso sikhathi, i-Israel Football Association nayo ibihola imizamo yokunxenxa ukuthi lolu daba lufinyelele evotini.

Konke lokhu kulandela impi yakwa-Israel, ebulale abantu basePalestine abangaphezu kuka-65,000.

Kubikwa inhlangano yezemidlalo ibilokhu ithola izingcingo eziningi zokuthi i-Israel isuswe ebholeni lamazwe ngamazwe, abaningi bayiqhathanisa neRussia kulandela ukuhlasela kwayo e-Ukraine.