Usezikhindini osolwa ngokufuna intshontsho kumnikazi wesitolo

KUBOSHWE umhloli mbumbulu eShowe KwaZulu-Natal ngemuva kwezinsolo zokuthi wazama ukuphoqa umnikazi wesitolo ukuthi akhiphe intshontsho lika-R3000.

Ngokombiko weNews Box, kuthe uma abesitolo bembuza ngamaphepha aqinisekisa umsebenzi wakhe, waveza amaphepha omgunyathi.

Uphenyo luveze ukuthi umsolwa nguSibusiso Nene waselokishini eSikhawini.

Kuphinde wavela nokuthi usebenza nabanye otsotsi abayisithupha asebegcwele amathafa.