Uzinikele emaphoyiseni owodumo lokushayela edansa

UGCINE ezinikele emaphoyiseni omshayeli osematheni kulezi zinsuku ngokushaya amavosho ebe eshayela imoto.

Lo mshayeli wesilisa obefuwa uthuli amaphoyisa aKwaZulu-Natal, uzinikele engalweni yomthetho ePinetown.

Ngokombiko wephephandaba iMDN News, lomlisa, uzinikele emahhovisi ezomgwaqo e-Road Traffic Inspectorate (RTI) ePinetown namuhla ngoLwesithathu.

Kulapho ehloywe khona imibuzo ngaboMnyango Wezokuthutha KwaZulu-Natal.

Umnyango uthe umshayeli ukhombise okukhulu ukuzisola.

” Kuvele ukuthi akabuphuzi utshwala futhi uzibophezele ekushitsheni indlela yokuziphatha,” kusho umbiko wamaphoyisa.

Lesi sigameko senzeke emgwaqweni womphakathi ngokwemigomo yoMthetho Kazwelonke Wezokuthutha Emgwaqweni 93 ka-1996.

Nakuba ehlonywe imibuzo kodwa akukho cala athweswe lona.