I-IFP ifuna kuphenyisiswe ngokusocongwa kukaSotshwebhu wayo

I-IFP inxusa amaphoyisa ukuthi aphenyisise ngemuva kokuba iPhini likaSotswebhu laleli qembu lidutshulwe labulala ngempelasonto eKatlehong eGauteng.

UKhethamabala Sithole ubulawa abantu abangaziwa ngoMgqibelo ebusuku kanti noNobhala wesifundazwe u-Alco Ngobese naye walimala kulesi sigameko.

Okhulumela i-IFP kuzwelonke uMkhuleko Hlengwa uthe imininingwane ngokubulawa kukaSithole ayikatholakali kodwa babeke ithemba emaphoyiseni.

USithole ngomunye wabaholi abahlonishwa kakhulu nobekhuthele emsebenzini wakhe.

Ukudlula kwakhe emhlabeni kushaqe abaningi.