Ilungu lephalamende lifunwa amaphoyisa esikiti
AMAPHOYISA akuleli asenxuse uFadiel Adams ukuthi azinikele esiteshini samaphoyisa esiseduze.
Esitatimendeni esikhishwe ngamaphoyisa, aveze ukuthi ufunwa ngecala lokukhwabanisa nokuphazamisa ubulungiswa, okuhlobene nokuphazamiseka ophenyweni lokubulawa kukaSindiso Magaqa.
Amaphoyisa athi anencwadi egunyaza ukuboshwa kuka-Adams futhi azame kaningi ukumthola.
Lokhu kungenxa yokuthi u-Adams wehluleke wancama ukuvela izolo ngoMsombuluko enkantolo KwaZulu-Natal nakuba kade kwenziwe amalungiselelo.
I-SAPS imnxusa ukuba abambisane nayo futhi abike emaphoyiseni ngokushesha.