Ugwetshiwe owaduma ngenqwaba yama-video ocansi oluvuthayo

UGWETSHWE iminyaka eyisishiyagalombili ebhadla ejele umshana kaMengameli wase-Equatorial Guinea, uTeodoro Obiang Nguema, nowake waba ngundabuzekwayo ngama-video ocansi ngonyaka odlule.

Umbiko weBBC News uthi uBaltasar Ebang Engonga, owayeyinhloko ye-National Financial Investigation Agency, wakhwabanisa imali ukuze azisebenzisele yena, kunqume inkantolo.

U-Baltasar ube sematheni nyakenye ngesikhathi kusabalala ama-video akhe ezitika ngocansi nabesifazane abehlukene.

Iningi labo kwakungamakhosikazi ezihlobo, abangani, ozakwabo emsebenzini nabezikhulu ezihlonishwayo.

Utholwe enecala kanye nezinye izikhulu ezinhlanu okuthiwa zafuna le mali njengesibonelelo sohambo.