Ingabe uzodedela ubufakazi uMancinza?

SEKWETHUSE abaningi okushiwo ngumholi we weLabour And Civic Organisation (LACO), mayelana nodaba lwezinsolo azenzile eziqondise kwabanye babaholi bombhidlango oxosha abokufika lapha eNingizimu Afrika.

UMlungisi Zondi odume ngelikaMlungisi Inkinga Mancinza kuFacebook nongumholi weLACO, ubuze ukuthi : “Ubani othe anginabo ubufakazi”.

Ubufakazi akhuluma ngabo obungezinsolo azenze kwisithangamu sabezindaba.

Kulapho ekhombe ngenjumbane uPhakel’umthakathi Ndabandaba noNgizwe Mchunu ebasola ngokwamukela umgwazo wemvalamlomo ka-R3 million.

Kukholakala ukuthi inkulumo yobufakazi ingenxa yengcindezi yabantu ababufunayo ngenxa yokwesinda kwezinsolo azenzile uMancinza.

UNdabandaba ume ngelokuthi umsulwa nokuthi uzoqhubeka nomsebenzi wokulungisa izwe.

UNgizwe ubengakaphawuli ngalezi zinsolo.