Injabulo izimbangi zishiyelana inkundla
KWENZEKE okungejwayelekile emcimbini weSmirnoff 1818’s Makoya Imbizo kushiyelana inkundla izimbangi zikamaskandi.
Lo mcimbi obuhehe izibukeli ubuse Berea Rovers eThekwini ngempelasonto.
Kulo mcimbi izihlabani zikamaskandi uKhuzani Mpungose noMthandeni Manqele bajabulise abathandi bomcimbi abebejabulela ukubabona bedlala izingoma zabo ezidumile.
UMthandeni ubekade esanda kubuya ukunandisa emcimbini wokuvalelisa iqembu lesizwe iBafana Bafana elilibangise koweNdebe yoMhlaba.
Bobabili labaculi bashiye abalandeli babo bekhala ngempinda ngenxa yokucokama kwezinga lomculo wabo.
Izethameli zincome abagqugquzeli bomcimbi iDiageo South Africa ngomsebenzi omuhle wokulada izilomo okubalwa kuzona uDJ Cindo, Big Zulu noLwah Ndlunkulu ukukha phezulu.