Kuboshwe isikhulu ngezinsolo zokukokotela isitifiketi sokufa
SIKHALELWE amasongo kaSigonyela isikhulu sesifazane samaHhovisi esazeKhaya ePinetown ngezinsolo zokugwazisa.
Lesi sehlakalo senzeke ngoLwesithathu kulandela izinsolo zokuthi lesi sikhulu sibhalise ukufa komuntu okungamanga ngonyaka odlule.
Ngokombiko, kuboshwe owesifazane oneminyaka ewu-43 ngezinsolo zenkohlakalo.
Kubikwa ukuthi ngesikhathi uphiko lwe-Counter Corruption Unit yomnyango iqala uphenyo ngalezi zinsolo.
Kuthiwa umsolwa wazama ukufumbathisa umphenyi ngo-R3000.
Umphathi woMnyango wezaseKhaya KwaZulu-Natal uCyril Mncwabe, utuse umsebenzi owenziwe noholele ekuboshweni kukamsolwa.
Umsolwa kulindeleke ukuba avele kungekudala enkantolo yemantshi ePinetown.