Isililo kushona obemele i-IFP kwesobukhansela

SEKUGCINE kumenele ukufa lowo obeqokelwe isikhundla sokuba yikhansela le-IFP kuWadi 17 ngaphansi koMasipala Wendawo waseMlalazi eShowe.

UKhethelo Mdluli, kubikwa ukuthi ushonele esibhedlela ngemuva kokudutshulwa amahlandla amaningi ngeSonto.

UMdluli ubengeniswe esibhedlela eShowe Regional Hospital ngemuva kwesehlakalo esishaqise abaningi sokudutshulwa ngoyaba lwezinhlamvu.

Ngokwemibiko eqinisekiswe yiqembu, uMdluli ushone izolo ebusuku.

Kwenzeka lokhu nje uMdluli ubekade eseqale umkhankaso obusha phansi ngemuva kokuwina ngaphakathi emela iqembu le-IFP.

Ezinsukwini ezimbalwa ezedlule, ubuholi baseMlalazi bebuvakashele umndeni wakwaMdluli ukuyokhuza umhluhlane wokulimala kwakhe.