Kubhekwe izinkumbi kugcwatshwa umshayeli wetekisi obulewe
KULINDELEKE ukuthi ithanyelwe yizinkumbi zabantu inkonzo yokufihla usomatekisi odutshulwe wabulawa ngesihluku uScelo ‘Shoes’ Cele waseMpumalanga Township, eHammarsdale.
UShoes (42) (osesithombeni) udlule emhlabeni ngoLwesibili ngemuva kokuthunjwa maqede kade eshayela itekisi abengumshayeli walo.
Ngemuva kwesikhathi kuthiwa utholakale eseshonile ngokudutshulwa ePolo Pony.
Ukudlula kwakhe emhlabeni kushaqise iningi labagibeli ebelimkhonzile nomphakathi wonkana olokhe ubabaze njalo isihluku adlule ngaso.
Inkonzo yomngcwabo kuhlelwe ukuba ibe kusasa ngeSonto ehholo lomphakathi eGeorgedale.
Kubhekwe amatekisi noseseshini wendawo iMpumalanga Township Taxi Associatio imphelezele njengoba ebesebenza ngaphansi kwayo.
