Unkosikazi usola isikhulu sezemfundo ngokulala nokudayisa izikhala zothisha
SEKUVELE ividiyo eshaqise abaningi eveza okukholakala ukuthi ungunkosikazi kaloyo okhulumela uMnyango wezeMfundo KwaZulu-Natal ehilizisana eveza izinsolo zokudayiswa kwezikhala zothisha.
Kule vidiyo esabalele, lo wesifazame naye okuthiwa usebenza kulomnyango eMlazi, uhilizisaza nomyeni wakhe uMuzi Mahlambi.
Kwingxabano usola umyeni wakhe ngokudayisa izikhala zothisha aphinde alale nabo.
Kule vidiyo lowesifazane uzwakala ethi ” yingakho ungafuni ukukhuluma ngalendaba emaphepheni yingoba uyawadayisa. Udayisa ama-posti wena.”
Uqhuba amsole ngokuthi othisha baklelile ocingweni lwakhe ngoba ubadayisela izikhala zokufundisa aphide alale nabo.
Ingxabano ibukeka ingombango wocingo olubukeka lusezandleni zowesilisa.