Zibakhalele abasolwa ngokugqekeza nokutapa eHammarsdale
BAQUQUDWA amakhaza abahlanu ababoshwe amaphoyisa kulandela izinsolo zokugqekeza nokweba esitolo sowokufika e-unit 4 eWoody Glen eHammarsdale.
Lesi sigameko senzeke entathakusa yanamuhla ngoLwesibili.Oyedwa umsolwa uboshwe ngaphakathi kwesitolo kanti laba abane baboshwe bezama ukubaleka.Â
Umbiko wamaphoyisa uthi abasolwa baneminyaka ephakathi kuka-14 no-27 ubudala, bazobekwa icala lokulimaza kabi impahla kanye nokugqekeza amabhizinisi.Â
Abasolwa futhi bazovela enkantolo yendawo maduze.
Amaphoyisa KwaZulu-Natal anxusa izakhamuzi ezizomasha ukuthi ziyeke izenzo zobudlova, ubugebengu nokwesabisa.