Amaphoyisa akhiphe incwadi yokubopha usomatekisi odumile
AMAPHOYISA aseqinisekise ukuthi sekukhishwe incwadi yokuthi kuboshwe ngokushesha isikhumukane sikasomatekisi aseNanda, eThekwini.
Le ncwadi ibhekene oThomas Siyabonga Getsemane (osesithombeni) nosihlalo kasoseshini wamatekisi aseNanda i-Inanda Taxi Owners Association futhi waziwa ngamatekisi abhale ukuthi ‘Getsemane’.
Okwamanje amaphoyisa awakacacisi ukuthi losomabhizinisi angahle abhekane namaphi amacala.
Ngokwemithombo esembonini yamatekisi, sekunesikhathi eside uGetsemane engabonwa nangamehlo kanti kuthiwa nemihlangano ayibambayo uyibamba online.
UGetsemane ophinda abe ngumnikazi wamabhilidi athile edolobheni, uke wasusuluzana kabi namaphoyisa kuleli ewasola ngokumhlukumeza.
