Seliphinde lagadla izembe iSilo sixosha uNdunankulu kaZulu

ISILO samaZulu sesixoshe undunankulu wesizwe kungalindelekile.

Isilo uMisuzulu KaZwelithini sesimemezele isinqumo sokusixosha uMfundisi Thulasizwe Buthelezi esikhundleni sokuba ngundunankulu waso nesizwe samaZulu.

Lesi siqumo sethuse abaningi njengoba siphinde samemezela nozovala lesi sikhundla ngokukhulu ukushesha.

Igama leNkosi Phathisizwe Chiliza obeyiphini likaButhelezi phambilini yilo elimenyezelwe njengelizovala lesi siklhala.

Kwenzeka lokhu nje akukapheli nesonto Isilo sixoshe ubekhulumela isizwe samaZulu uMntwana uThulani Zulu safaka uMntwana uMpiyakhe Buthelezi.