Ubophe elikasofa silahlane umculi wokholo
UVALELISE ngokusemthethweni empilweni yobumpohlwa umculi wokholo njengoba esebophe elikasofa silahlane nesiqandamathe sakhe.
U-Ayanda Ntanzi kuthiwa ushade noGcia Zungu izolo ngoLwesihlanu eMtubatuba enkonzweni yomshado ebihlanganise abambalwa abasenhlizweni yakhe owakwakhe.
Lo mshado ushayelwe phansi njengoba nabaseduzane kwalo mculi, kuthiwa izimemo banikezwe ngemzuzu yokugcina.
Isiphalaphala esiwuMaZungu, siyaziwa ezinkudlein zokuxhumana njengoba sivame ukuveza ikhonno lokuzicwala nokuziphophotha kwabasuke befisa ukubukeka kahle.
UNtanzi ngakolunye uhlangothi ungumnqobi wezindondo ngenxa yekhono lakhe lokucula emunxeni wokholo.
