Umlando kuboshwa owasendlunkulu

ITHELEKE ngehlazo iNdlunkulu yamaNgisi amaphoyisa ebopha ilungu lomdeni ngezinsolo ezishaqisayo.

U-Andrew Mountbatten-Windsor, ongumfowabo omncane weNkosi uCharles III, uboshwe ngezinsolo ngokuziphatha kabi ehhovisi likahulumeni. 

Ngokombiko weCNN, amaphoyisa awavezanga ukuthi yini eholele ekuboshweni kwakhe.

Sekungumlado ukuthi ukuthi u-Andrew uchithe iminyaka eyishumi njengesithunywa sezohwebo sase-UK.

INkosi uCharles III ithe izwile ngokuboshwa futhi yagcizelela ukuthi “umthetho kumele weze okufanele.

U-Andrew ungowokuqala wasebukhosini waseBrithani ukuboshwa eminyakeni ecishe ibe ngu-400.

Amaphoyisa ngaphambilini athi abukeza izinsolo zokuthi kunowesifazane owashushumbiswa e-UK nguJeffrey Epstein ukuze abe nobudlelwano bocansi no-Andrew.

Kuthiwa futhi wadlulisa ulwazi oluyimfihlo no-Epstein ngenkathi esebenza njengesithunywa.

Lo owayeyinkosana uziphikile zonke izinsolo ezibhekiswe kuye futhi wagcizelela ukuthi akakaze abone noma asole noma yikuphi ukuziphatha u-Epstein asolwa ngakho. 

Akazange aphawule esidlangalaleni ngalezi zinsolo zakamuva zokungaziphathi kahle ehhovisi likahulumeni.