Injabulo iChiefs ilanda unozinti omusha

IKaizer Chiefs isiyethule ngokusemthethweni unozinti uRenaldo Leaner njengomdlali wayo omusha.

Uthathwe kwiSekhukhune United kanti kulindeleke ashubise umbango ezintini kuBrandon Peterson noBruce Bvum osanda kuvuselela inkontileka yakhe ngonyaka owodwa.

Lo nozinti waseCape Town usengumdlali wesibili omusha owethulwe iChiefs.

Owokuqala kube isitobha uThabo Moloisane olandwe kwiStellenbosch FC.

Lesi sezo seChiefs sezijabulise iningi labalandeli balo njengoba belikhala ngokungabi nabadlali abangalenza libuyelwe isithunzi salo samzukwana.