Injabulo iNdlovukazi yeBazozwa ibuyela ekhaya
BAPHUPHUMA injabulo abalandeli bentandokazi yomculi osanda kunqoba ohlelweni iBig Brother Mzansi Bazozwa njengoba ebuyela ekhaya eQonce namuhla ngoLwesihlanu.
ULiema Pantsi (24) owaziwa ngeleNdlovukazi yeBazozwa, uzokwamukelwa yizindimbane zabalandeli bakhe njengoba ebuyela ekhaya okokuqala ngemuva kokunqoba kulolu hlelo.
Wehlule ozakwabo abangu-22 ayencintisana nabo kulolu hlelo ngokuhlala endlini kaBig Brother izinsuku eziwu-71.
Ukunqoba kwakhe kweze wathola isama sika-R2 million nesicoco sokuba yiNdlovukazi yeBazozwa.
Ngokwezinhlelo ezimenyezelwe, uhlelo lomcimbi luzothatha izinsuku ezimbili.
Isigaba sokuqala somcimbi sizoqala ngesikhathi efika esikhumulweni sezindiza eKing Phalo Airport namuhla kuthi isigaba sesibili sibe kusasa ngoMgqibelo eQonce Botanical Gardens.
Kulolu hambo uLiema uzobe ephelezelwa ozakwabo abamthandayo okubalwa kubona uTrixie, Bravo B, Didi, Lawredo, Neliswa, The Don noKing Wanda.
Isilomo somsakazi wePodcast uBafana Mthembu ungomunye wabazohambela lenkunzimalanga yomcimbi.
Ukunqoba kulaLiema kulolu hlelo kuphathise ezinye ezembangi zakhe ngezinhliziyo ezibuhlungu kanti namanje isililo sisaqhuma ngenxa yokuthi babebheke ukuthi ehlulwe.