Ukhuza ibuya ngolozolo lomculo uDJ Mngadi
ISILOMO sikaDJ, uphrojusa nosomabhizinisi owaduma eminyakeni edlule emsakazweni usekhuze ibuya emculweni ekhipha i-albhamu entsha ethi Episode 3: Isgubhu seNgadi.
Le albhamu okumanje ishisa izikhotha isiyatholakala kuzo zonke izinkundla ezinkulu eziqukatha umculo kwi-internet.
Isgubhu SeNgadi ididiyelwe ngendlela ezothokozisa abathandi bomculo abathanda okwehlukile.
Lokhu kungenxa yokuthi inegxube yomculo we-Afro House, isigqi esisheshayo somdanso ethakwe ngomlayezo.
Echaza uDJ Mngadi uthe: “Le albhamu ingeyawo wonke umuntu. Uma ulalela yonke i-albhamu, uzothola ingoma ekhuluma nenhliziyo yakho kanye nohambo lwakho.”
Le albhamu enezingoma ezingu-14 zothando, ukholo, isiko, kanye nokukhula komuntu siqu.
Izingoma ezifana ne-Inkanyezi, Idlozi, Ngilimele, Amalunde, Angeke Ngikuhle ne-Let’s Move zikhombisa ukuthakaselwa ngabalandeli balesi silomo.
