Umsakazo odumile ulaxazwe yisilomo somsakazi

KUSHAQEKE abaningi isilomo somsakazi weKaya 959 silaxaza umsakazo.

USizwe Dhlomo wodumo lohlelo iSiz The World, umemezele namuhla ukuthi usewushiya phansi lo msakazo.

UDhlomo wenze lesi simemezelo ohlelweni lwakhe.

Nakuba engadalulanga ukuthi amabombo alibhekise kuphi kodwa kucacile ukuthi kukhona amadlelo aluhlaza aya kuwona.

Ezinkundleni zokuxhumana abalandeli bakhe bazwakalise ukushaqeka kodwa baphinda bamfisela okuhle.

Ushiya nje kulo msakazo uDhlomo, ezinyangeni ezidlule ubelokhu eveza ukuthi wakha istudio emzini wakhe nokushiye imibuzo eminingi ngekusasa lakhe.